Երեւան: Մեդիամաքս: Ապրիլի 17-ին՝ Ավագ Հինգշաբթի, Գարեգին Երկրորդ Ամենայն Հայոց Կաթողիկոսի հանդիսապետությամբ Մայր Տաճարում կատարվեց Ոտնլվայի կարգը:
Սրբազան արարողության ընթացքում՝ սուրբգրային ընթերցումներից հետո, Ամենայն Հայոց Կաթողիկոսն օրհնեց խորանի վրա դրված ջուրն ու յուղը։
Ապա շարականների երգեցողության ներքո, Աստվածորդու օրինակով Նորին Սրբությունը ծնրադիր լվաց և յուղով օծեց Մայր Աթոռ Սուրբ Էջմիածնի միաբաններ՝ Գերաշնորհ Տ. Վահան եպիսկոպոս Հովհաննիսյանի, Հոգեշնորհ Տ. Մաշտոց աբեղա Մխիթարյանի, Բարեշնորհ Արման սարկավագ Մանուկյանի, Գևորգյան հոգևոր ճեմարանի սաներ Դավիթ սարկավագ Ղամբարյանի, Արմեն դպիր Գրիգորյանի, ԵՊՀ Աստվածաբանության ֆակուլտետի ուսանողներ Դավիթ Գրիգորյանի, Արթուր Մանուկյանի, ՀՀ ՊՆ N զորամասի ժամկետային զինծառայողներ Խաչիկ Մինասյանի, Գոռ Գևորգյանի, «Էօրնեկյան» հանրակրթական դպրոցի աշակերտներ Համբարձում Խանզաձյանի, Մհեր Ավագյանի, ինչպես նաև մանուկներ Օհան Օհանյանի, Սպարտակ Գասպարյանի, Դավիթ և Տիգրան Պետրոսյանների ոտքերը։
Արարողության ավարտին Ամենայն Հայոց Հայրապետը «Պահպանիչ» աղոթքով օրհնեց ներկա բարեպաշտ ժողովրդին, որից հետո օրհնված յուղը բաժանվեց հավատացյալներին։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: