Երեւան: Մեդիամաքս: ՀՀ Սփյուռքի նախարարության նախաձեռնությամբ սփյուռքի հայկական մեկօրյա դպրոցների համար "Զանգակ” հրատարակչությունում 500-ական օրինակով լույս են տեսել արեւմտահայերեն երկու ընթերցարաններ եւ Այբբենարան:
Ինչպես հաղորդում է Մեդիամաքս-ը, Սփյուռքի նախարար Հրանուշ Հակոբյանն այսօր դասագրքերի շնորհանդեսի ժամանակ ասել է, որ իրենց հիմնական նպատակը արեւմտահայերենի օգտագործման միասնական դաշտ ստեղծելն է:
“Անկախությունից հետո սա առաջին պետական նախաձեռնությունն է, որը նպատակ ունի միասնական դարձնել արեւմտահայերենի ուղղագրությունը, քերականությունը եւ հնչունաբանությունը, որպեսզի ամեն համայնք այն յուրովի չօգտագործի”,- ասել է Հրանուշ Հակոբյանը:
Նրա խոսքերով, տարրական դասարանների համար նախատեսված փորձնական դասագրքերը ստեղծվել են տեղացի եւ սփյուռքի մասնագետների համատեղ աշխատանքի արդյունքում, եւ մեկամյա փորձաշրջանից հետո կպատրաստվեն դասագրքերի վերջնական տարբերակները:
Սփյուռքի նախարարը տեղեկացրել է, որ գրքերն արդեն ուղարկվել են հայկական կրթահամալիրներ, եւ դրանք յուրօրինակ ուղեցույց կդառնան սփյուռքի բոլոր դպրոցների համար:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: