Երեւան: Մեդիամաքս: Այսուհետ սիրիահայերը կարող են ՀՀ քաղաքացու անձնագիր ստանալ Սիրիայում ՀՀ դիվանագիտական հաստատություններում՝ Դամասկոսի դեսպանությունում եւ Հալեպի հյուպատոսարանում:
Ինչպես հաղորդում է Մեդիամաքս-ը, ՀՀ կառավարությունն այսօր ընդունած որոշումով դյուրացրել է օտարերկրյա քաղաքացիների կողմից ՀՀ անձնագիր ձեռք բերելու գործընթացը:
Նախկինում գործող կարգով, այլ երկրների քաղաքացիներին հայկական անձնագիր տրամադրում էր բացառապես ՀՀ ոստիկանության վիզաների եւ անձնագրերի վարչությունը:
ՀՀ սփյուռքի նախարար Հրանուշ Հակոբյանը նշել է, որ այս պահին բազմաթիվ սիրիահայեր եւ լիբանանահայեր դիմել են ՀՀ քաղաքացիություն ստանալու խնդրանքով, եւ այս որոշումը կհեշտացնի այդ գործընթացը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: