Երեւան: Մեդիամաքս: 2024 թվականի հունիսի 11-ից Շենգենյան վիզայի արժեքը կկազմի 90 եվրո մեծահասակների համար եւ 45 եվրո՝ 6-ից 12 տարեկան երեխաների համար։

Ներկայում Շենգենյան վիզայի արժեքը մեծահասակների համար կազմում է 80 եվրո, երեխաների համար՝ 40 եվրո։

Եվրահանձնաժողովը գների աճը բացատրել է գնաճով։

Եվրահանձնաժողովը երեք տարին մեկ գնահատում է վիզայի վճարի վերանայման անհրաժեշտությունը «օբյեկտիվ չափանիշների» հիման վրա՝ ներառյալ ԵՄ-ում գնաճի մակարդակը եւ քաղաքացիական ծառայողների միջին աշխատավարձերը։