Մարտի 15-ին РОСФОТО թանգարանային-ցուցահանդեսային կենտրոնը Սանկտ Պետերբուգում կներկայացնի «Փարաջանովի կողքին. Յուրի Մեչիտովի եւ Ելենա Կարուսարի լուսանկարները» նախագիծը՝ նվիրված ռեժիսորի 100-ամյակին։

Ցուցահանդեսում ներկայացված կլինեն ռեժիսորի դիմանկարները, նկարահանումների աշխատանքային պահերը, ֆիլմերի պաստառներ եւ էսքիզներ:

Նախագծում ներկայացված կլինեն ցուցանմուշներ РОСФОТО-ի եւ Մոսկվայի Կինոյի թանգարանի, Սերգեյ Փարաջանովի երեւանյան թանգարանի հավաքածուներից եւ լուսանկարիչ Յուրի Մեչիտովի արխիվից:

Լուսանկարը` Յուրի Մեչիտով

Այցելուներւ, մասնավորապես, կտեսնեն Յուրի Մեչիտովի լուսանկարները, որոնք արվել են «Սուրամի ամրոցի լեգենդը» եւ «Արաբեսկաներ Փիրոսմանիի թեմայով» ֆիլմերի նկարահանման ժամանակ։

Իսկ «Լենֆիլմ» կինոստուդիայի նկարիչ-լուսանկարիչ Ելենա Կարուսաարի լուսանկարների շարքը պատմում է Փարաջանովի վերջին՝ «Աշուղ Ղարիբ» ֆիլմի ստեղծման մասին։

Լուսանկարը` Ելենա Կարուսաար

«Փարաջանովի կողքին» նախագծի համար պատրաստվել է նաեւ հանրային ծրագիր՝ էքսկուրսիաներ, վարպետության դասեր, դասախոսություններ, կինոդիտումներ։

Մարտի 28-ին տեղի կունենա գրող եւ կինոգետ Լեւ Նաումովի «Ժեստը Փարաջանովի բանաստեղծական կինոյում» դասախոսությունը։

Լուսանկարը` Յուրի Մեչիտով

Մարտի 30 «Մանեժ» կենտրոնական ցուցասրահի կրթական նախագծերի համադրող Եկատերինա Բեսպալովան վարպետության դասերի շարք կանցկացնի «Կոլաժը որպես գեղարվեստական պրակտիկա» թեմայով։

Ապրիլի 11-ին կինոքննադատ Դմիտրի Բակիրովը կկարդա «Սերգեյ Փարաջանովը ոճի որոնման մեջ կամ կինոյի հակառակ կողմը» դասախոսությունը։

Հավելյալ տեղեկությունները միջոցառումների մասին հասանելի են այստեղ։