Երեւան: Մեդիամաքս: Երեւանի Ռուսական արվեստի թանգարանում բացվել է եւ մինչեւ օգոստոսի 20-ը գործելու է «Որոնելով գեղեցիկը։ Միխայիլ Վրուբել» ցուցահանդեսը:

Ցուցահանդեսը նվիրված է ռուս մեծ նկարիչ Միխայիլ Վրուբելի 165 եւ Հայաստանի ազգային պատկերասրահի 100-ամյակներին։

 

Առաջին անգամ ներկայացվում են Վրուբելի բոլոր աշխատանքները, որոնք առկա են Հայաստանում։

13 գործերից 9-ը Հայաստանի ազգային պատկերասրահի, 4-ը` Ռուսական արվեստի թանգարանի ֆոնդերից են։ Այդ աշխատանքներում Վրուբելը ներկայանում է որպես գեղանկարիչ, բեմանկարիչ, գծանկարիչ և քանդակագործ։

 

Ցուցահանդեսի այցելուներն առաջին անգամ հնարավորություն ունեն տեսնելու Լերմոնտովի մահվան 50-րդ տարելիցի առթիվ հրատարակված «Երկերի ժողովածուն», որի համար նկարազարդումներ են կատարել Այվազովսկին, Սուրիկովը, Շիշկինը, Րեպինը, Վասնեցով եղբայրները, Պոլենովը, Վրուբելը և այլոք։

Մոսկվայի Բախրուշինի անվան պետական կենտրոնական թատերական թանգարանի տրամադրած թվային նյութերն այս ցուցահանդեսը դարձրել են առավել հետաքրքիր։