Երեւան: Մեդիամաքս: Արմավիա ազգային ավիափոխադրողի մամուլի խոսնակ Նանա Ավետիսովան այսօր Մեդիամաքս-ի հետ հարցազրույցում հաստատել է 2012 թվականի ապրիլին Sukhoi Superjet երկրորդ օդանավի առաքման մասին «Սուխոյի քաղաքացիական օդանավեր» (ՍՔՕ) ընկերության հետ ձեռք բերված պայմանավորվածությունը:
«Sukhoy Superjet 100 օդանավը ամբողջովին հաստատել ինչպես տարածաշրջանային, այնպես էլ կարճ եւ միջին մայրուղային երթուղիներով աշխատելու հարմարավետությունը», - ասել է Նանա Ավետիսովան:
- Օդանավերը հավաքում են Կոմսոմոլսկ-Ամուրում;
- Արմավիան առաջինը սկսեց գործարկել Sukhoy Superjet-ը;
- Օդանավի առաջին կոմերցիոն թռիչքը կայացել է 2011 թվականի ապրիլի 21-ին Երեւան-Մոսկվա չվերթով;
- Ներկայումս շահագործման մեջ կա այս օդանավի 5 միավոր;
- 2010թ. կատալոգային գների համաձայն, օդանավի գինը կազմում է մլն:
«2011թ. օդանավը թռիչքներ է իրականացրել Երեւանից դեպի Ռուսաստան, Ուկրաինա, Վրաստան, Արեւմտյան եւ Հարավային Եվրոպա եւ Մերձավոր Արեւելք: 2012 թվականի հունվար ամսվա ընթացքում Sukhoi Superjet-ը թռիչքներ է իրականացրել դեպի Բեյրութ, Թել-Ավիվ, Մոսկվա եւ Բահրեյն», - նշել է Արմավիա-ի մամուլի խոսնակը:
Ավիաընկերության ավիապարկում, բացի Superjet-ից, ներկայումս կան Airbus, CRJ եւ Boeing օդանավեր:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: