Երեւան: Մեդիամաքս: Մեդիամաքսը վերագործարկել է մեդիայի մոնիտորինգի, վերլուծության եւ գնահատման MaxMonitor համակարգի կայքը, որն այժմ թույլ է տալիս ծանոթանալ համակարգի ընձեռած հնարավորություններին եւ ծառայությունների լայն շրջանակին:

Նորացված կայքում ներկայացված են հաճախորդների կարծիքները MaxMonitor համակարգի մասին, առկա է առաջարկվող ծառայությունների մանրամասն նկարագրություն:

Նոր եւ հարմարավետ MaxMonitor.am կայքն ունի բլոգ, որտեղ տեղ կգտնեն հրապարակումներ մեդիայում առկա միտումների վերաբերյալ, ինչպես նաեւ վերլուծական հոդվածներ ու վարկանիշներ:

MaxMonitor համակարգը, ըստ բանալի-բառերի (keywords), հավաքագրում է տեղեկատվություն Հայաստանի օնլայն մեդիայից (մոտ 130 կայք), տպագիր մամուլից (16 անվանում)  եւ հեռուստաընկերությունների լրատվական-վերլուծական հաղորդումներից (12 անվանում) եւ տրամադրում պատվիրատուին:

Ստացված տեղեկատվությունը ցանկության դեպքում նաեւ վերլուծվում, գնահատվում եւ դասակարգվում է Մեդիամաքսի մոնիտորինգի վերլուծական բաժնի մասնագետների կողմից:

MaxMonitor-ը ոչ միայն դիտարկում եւ վերլուծում է, այլեւ առաջարկում է PR աջակցություն Մեդիաբրենդ կոմունիկացիոն գործակալության միջոցով:

Կայքից հնարավոր է անցում կատարել Mediatrends հարթակ եւ իրական ժամանակում ծանոթանալ հայկական օնլայն մեդիայի այն հրապարակումներին, որոնք ամենաշատն են գրավում Facebook-ի օգտատերերի ուշադրությունը:

Մեդիամաքս մեդիա-ընկերությունն իր MaxMonitor համակարգով Հայաստանի մեդիայի մոնիտորինգի, վերլուծության եւ գնահատման շուկայի բացարձակ առաջատարն է: Համակարգի բաժանորդներն են մի քանի տասնյակ մասնավոր ընկերություններ եւ պետական մարմիններ՝ բանկեր, հեռահաղորդակցության օպերատորներ, նախարարություններ եւ գերատեսչություններ, միջազգային կազմակերպություններ եւ դեսպանություններ:

Մեդիամաքսը նաեւ միակ ընկերությունն է Հարավային Կովկասում, որն անդամակցում է մեդիայի մոնիտորինգի, վերլուծության եւ գնահատման FIBEP միջազգային ֆեդերացիային, ինչի շնորհիվ  մշտապես հետեւում է ոլորտի նորամուծություններին եւ միտումներին: