Երեւան: Մեդիամաքս: Երեւանի «Տաշիր սթրիթ» առեւտրի կենտրոնում այսօր բացվել է «Հայաստանի էլեկտրական ցանցեր» (ՀԷՑ) ընկերության բաժանորդների սպասարկման կենտրոնը:
Ինչպես նշել է ՀԷՑ-ի գլխավոր տնօրեն Կարեն Հարությունյանը, սպասարկման կենտրոնի հիմքում դրված է «հաճախորդների համար առավելագույն հարմարավետություն ապահովելու գաղափարը»:
Սպասարկման կենտրոնը կգործի շաբաթվա բոլոր օրերին՝ ժամը 10:00-22:00-ը:
Կմատուցվեն հետեւյալ ծառայությունները`
- Էլցանցին միացման պայմաններին ծանոթացում եւ բաժանորդագրություն;
- Ուշացումների եւ տեխնիկական բնույթի հարցերի քննարկում;
- Էլեկտրաէներգիայի ծախսի հետ կապված անհամաձայնություններ եւ բողոքներ;
- Իրավաբանական օգնություն էլեկտրաէներգիայի սպառմանն առնչվող հարցերում;
- Սպառված էլեկտրաէներգիայի դիմաց վճարելիք գումարի ճշտում եւ տեղում վճարում՝ բանկոմատների եւ POS-տերմինալների միջոցով:
ՀԷՑ-ի տնօրենը տեղեկացրել է, որ մոտ օրերս կբացվի ընկերության մեկ այլ սպասարկման կենտրոն՝ «Տաշիր» առեւտրի կենտրոնում, առաջիկայում նոր կենտրոններ կբացվեն նաեւ Երեւանում, Գյումրիում եւ Վանաձորում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: