Երեւան: Մեդիամաքս: Օգոստոսին եւ սեպտեմբերին Հայաստանում կանցկացվեն «իրանահայերի եւ պոլսահայերի օրեր»:
Ինչպես հաղորդում է Մեդիամաքս-ը, այս մասին այսօր ասել է ՀՀ սփյուռքի նախարար Հրանուշ Հակոբյանը:
Նա նշել է, որ այդ օրերի ընթացքում ելույթ կունենան իրանահայերի եւ պոլսահայերի մշակութային խմբերը, կնշվի իրանահայ համայնքի «Ալիք» թերթի գործունեության 20-ամյակը եւ Պոլսի «Մարմարա» թերթի 70-ամյակը:
Հրանուշ Հակոբյանը տեղեկացրել է, որ նախարարությունը պատրաստվում է «Սփյուռքի նախարարությունը երեք տարեկան է» եւ «Սփյուռքի ներդրումը Հայաստանի անկախության 20 տարիների ընթացքում» ֆիլմերի շնորհանդեսին:
Նախարարի խոսքերով, սփյուռքահայերի ներուժի հայտնաբերման եւ օգտագործման համար պարբերաբար անցկացվում են մասնագիտական համաժողովներ, իսկ սեպտեմբերի 18-ին նախատեսվում է անցկացնել «Հայրենիք-սփյուռք» 4-րդ համաժողովը` սփյուռքի կառույցների ղեկավարների մասնակցությամբ:
