Հայաստանում մեկնարկել է AMADEE-24 Մարսյան առաքելությունը - Mediamax.am

5250 դիտում

Հայաստանում մեկնարկել է AMADEE-24 Մարսյան առաքելությունը


Լուսանկարը` OeWF

Լուսանկարը` OeWF

Լուսանկարը` OeWF

Լուսանկարը` OeWF

Լուսանկարը` OeWF

Լուսանկարը` OeWF

Լուսանկարը` OeWF

Լուսանկարը` OeWF

Լուսանկարը` OeWF

Լուսանկարը` OeWF

Լուսանկարը` OeWF

Լուսանկարը` OeWF


Մի քանի ամիս տեւած ակտիվ նախապատրաստումից հետո Հայաստանում մեկնարկել է Ավստրիական տիեզերական ֆորումի (OeWF) AMADEE-24 Մարսյան առաքելությունը:

 

AMADEE-24-ն իրականացվում է Հայաստանի տիեզերական գործակալության հետ համագործակցությամբ։ Ընդհանուր առմամբ, Ավստրիայի ղեկավարությամբ միջազգային առաքելության աշխատանքներում ներգրավված է ավելի քան 200 հետազոտող 25 երկրից:

Լուսանկարը` OeWF

Հայաստանի Արարատի մարզում հատուկ սարքավորված վայրում վեց բարձր որակավորում ունեցող մասնագետներից կազմված անձնակազմը փորձեր կանցկացնի մարդու գործունեության, երկրաբանության եւ ռոբոտաշինության ոլորտներում՝ նախապատրաստվելով Մարսի հետազոտման ապագա առաքելությունները:

Լուսանկարը` OeWF

Անձնակազմի անդամներն են. արհեստական բանականության փորձագետ Կարմեն Քելերը (Գերմանիա), աստղաֆիզիկոս Ինիգո Մունյոզ Էլորսան (Իսպանիա), օդատիեզերական ինժեներ Սիմոնե Պատերնոստրոն (Իտալիա), աստղաֆիզիկոս Թոմաս Վիյենը (Նիդեռլանդներ): Խումբը ղեկավարում է առողջապահության փորձագետ Անիկա Մեհլիսը (Գերմանիա), իսկ նրա տեղակալը ֆիզիկոս Ռոբերտ Ուայլդն է (Ավստրիա)։

Լուսանկարը` OeWF

Տիեզերագնացները մոտ մեկ ամիս կապրեն եւ կաշխատեն հատուկ կահավորված տարածքում եւ կկարողանան լքել այն միայն կրելով OeWF սկաֆանդրի նախատիպը:

 

 

Ավստրիական տիեզերական ֆորումի տնօրեն Գերնոտ Գրեմերը նշել է, որ «մեր առաքելությունները մեծ ճշտությամբ նմանակում են Կարմիր մոլորակի հետախուզությունը՝ խնդիրներ եւ սխալները Երկրի վրա գտնելու համար»:

Լուսանկարը` OeWF

«Երբ 30 տարի անց մարդկանց ուղարկենք Մարս, ամեն ինչ պետք է անթերի աշխատի, քանի որ Մարսից մոտակա հիվանդանոց թռչելու համար 6 ամիս կպահանջվի»,- ընդգծել է նա։

Լուսանկարը` OeWF

«Մենք աշխարհի հինգ կազմակերպություններից մեկն ենք, որոնք նախագծել եւ կառուցել են սկաֆանդրի նախատիպը, որը մեր տիեզերագնացները կկրեն «բաց տիեզերք դուրս գալիս»: Մեր նախատիպի քաշը 50 կգ է, եւ այն սարքավորված է բժշկական տելեմետրիայով։ Հետազոտություններ կատարելով՝ մենք թույլ կողմեր ենք փնտրում։ Այս մեթոդի շնորհիվ կարող ենք ավելի հեշտ հասկանալ այլ մոլորակներ ապագա առաքելությունների առավելությունները եւ սահմանափակումները», - ավելացրել է Գերնոտ Գրեմերը:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին