Երեւան: Մեդիամաքս: Այսօր ժամը 17:00-ին «Ժառանգություն» կուսակցության առաջնորդ, ՀՀ նախագահի նախկին թեկնածու Րաֆֆի Հովհաննիսյանը հանրահավաք կանցկացնի Երեւանի Ազատության հրապարակում:
«Ժառանգության» հաղորդման համաձայն, փետրվարի 27-ին Րաֆֆի Հովհաննիսյանը հանդիպումներ է ունեցել Սյունիքի մարզի քաղաքներում:
«Քաջարանում պղնձամոլիբդենային գործարանի տնօրինությունը պարապուրդի մեջ գտնվող աշխատակիցներին ժողովի էր հրավիրել, որպեսզի խոչընդոտի Հովհաննիսյանի հետ հանդիպմանը: Այդուհանդերձ իրեն ողջունելու եկած քաջարանցիներին Հովհաննիսյանը շնորհակալություն է հայտնել անվախության եւ կատարած ճիշտ ընտրության համար եւ գոտեպնդել է շարունակելու պայքարը մինչեւ հաղթական ավարտ: «Կամ հարգեք ժողովրդի հաղթանակը, կամ ռադ եղեք»,- Րաֆֆի Հովհաննիսյանի այս բառերը մեջբերում է «Ժառանգության» մամուլի ծառայությունը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: