Հունգարիան բողոք է հայտնել Ադրբեջանին, կտրականապես դեմ հանդես գալով Ռամիլ Սաֆարովին ներում շնորհելու որոշման դեմ:
Այդ մասին հայտնել է BBC-ի ռուսական ծառայությունը:
Հունգարիայի ԱԳ նախարարի տեղակալն Ադրբեջանի դեսպանին ասել է, որ Բուդապեշտը Սաֆարովին ներում շնորհելու մասին որոշումը համարում է “անընդունելի” եւ դատապարտում է այն:
Ինչպես հաղորդում է Մեդիամաքս-ը`վկայակոչելով հունգարական Nepszabadsag թերթը, Ադրբեջանին փոխանցված Հունգարիայի ԱԳՆ նոտայում, մասնավորապես, ասված է, որ Բաքվի որոշումը “հակասում է երկու երկրների միջեւ ձեւավորված վստահության մթնոլորտին”:
Մեդիամաքս-ւ նշում է, որ հունգարական աղբյուրները հրապարակել են Ադրբեջանի արդարադատության փոխնախարարի նամակը, որում նա հավաստիացնում է Հունգարիայի իշխանություններին, որ էստրադիցիայից հետո Ռամիլ Սաֆարովը շարունակելու է պատիժը կրել հայրենիքում:
Այդ նամակի պատճենը ներկայացված է լուսանկարում:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: