Երեւան: Մեդիամաքս: Պաղեստինի արտգործնախարար Ռիյադ ալ-Մալիքը մտադիր է Հայաստան այցելել:
Այդ մասին նա ասել է Շարմ էլ-Շեյխում կայացած Չմիավորված երկրների շարժման անդամ պետությունների արտգործնախարարների հանդիպման շրջանակներում Հայաստանի ԱԳ նախարար Էդվարդ Նալբանդյանի հետ հանդիպման ժամանակ:
Եգիպտոսի արտգործնախարար Մուհամադ Ամրի հետ հանդիպման ժամանակ Էդվարդ Նալբանդյանը քննարկել է երրկկողմ փոխգործակցության ընդլայնման հարցերը, մտքեր են փոխանակվել նաեւ ԼՂ հիմնախնդրի կարգավորման գործընթացի շուրջ:
Լիբանանի արտգործնախարար Անսար Մանսուրի հետ ՀՀ ԱԳ նախարարը քննարկել է Սիրիայում տեղի ունեցող իրադարձությունները, ԼՂ հիմնախնդրի կարգավորման գործընթացը:
Էդվարդ Նալբանդյանը հանդիպել է նաեւ Իրանի արտգործնախարար Ալի Աքբար Սալեհիի հետ` քննարկելով տարածաշրջանային եւ միջազգային օրակարգի խնդիրներ:
Իրաքի իր գործընկեր Հոշիար Զեբարիի հետ հայ նախարարը խոսել է քաղաքական երկխոսության ակտիվացման, տնտեսական փոխգործակցության խթանման հարցերի շուրջ: Իրաքի արտգործնախարարը վերահաստատել է իր երկրի կառավարության որոշումը` Երեւանում դեսպանություն հիմնելու մասին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: