Վիգեն Սարգսյանը նշանակվել է ՀՀ նախագահի աշխատակազմի ղեկավար - Mediamax.am

27866 դիտում

Վիգեն Սարգսյանը նշանակվել է ՀՀ նախագահի աշխատակազմի ղեկավար


Վիգեն Սարգսյան
Վիգեն Սարգսյան

Լուսանկարը` Mediamax


Երեւան: Մեդիամաքս: Վիգեն Սարգսյանը նշանակվել է ՀՀ նախագահի աշխատակազմի ղեկավար:

Այս մասին Մեդիամաքս-ին հայտնի է դարձել հավաստի աղբյուրներից:

 

Վիգեն Սարգսյանը ծնվել է 1975թ., Երեւանում, բժիշկների ընտանիքում:

 

1996թ. ավարտել է Սանկտ Պետերբուրգի պետական կառավարման ակադեմիայի հեռակա բաժանմունքը` անձնակազմի կառավարում մասնագիտացմամբ:

 

1997թ. ավարտել է Երեւանի պետական համալսարանի միջազգային հարաբերությունների բաժինը, իսկ 2000թ. ստացել է Իրավունքի եւ դիվանագիտության արվեստների մագիստրոսի կոչում Թաֆթս համալսարանի Ֆլետչեր դիվանագիտական դպրոցից:

 

1995-98թթ. աշխատել է Հայաստանի Հանրապետության Ազգային ժողովում՝ որպես խորհրդարանի նախագահի օգնական, իսկ այնուհետեւ` խորհրդական:

 

2000-2003թթ. ծառայել է ՀՀ զինված ուժերում՝ որպես սպա՝ զբաղեցնելով պաշտպանության նախարարի ռեֆերենտի պաշտոնը: 2003թ. նշանակվել է Հայաստանի Հանրապետության նախագահի օգնական:

 

2009թ. հունվարի 27-ին ՀՀ նախագահի հրամանագրով Վիգեն Սարգսյանը նշանակվել էր ՀՀ նախագահի աշխատակազմի ղեկավարի տեղակալ:

 

 

Վիգեն Սարգսյանը պարգեւատրվել է Մովսես Խորենացու եւ պաշտպանության նախարարության «Անդրանիկ Օզանյան» մեդալներով, Ֆրանսիայի Ազգային արժանիքների շքանշանի ասպետ է:

 

Ամուսնացած է, ունի երկու դուստր:

 

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին