Երեւան: Մեդիամաքս: ՀՀ նախագահ Սերժ Սարգսյանն այսօր դատաիրավական բարեփոխումներին նվիրված խորհրդակցություն է անցկացրել:
Մասնավորապես, քննարկվել է ՀՀ իրավական եւ դատական բարեփոխումների 2012-2016թթ. ռազմավարական ծրագրի կատարման վիճակը:
Ինչպես հաղորդում են ՀՀ նախագահի մամուլի ծառայությունից, «ծրագրի նպատակն է ձեւավորել ժամանակակից ժողովրդավարական պետության չափանիշներին համապատասխանող իրավական համակարգ եւ դատական իշխանություն»:
Սերժ Սարգսյանը նշել է, որ ռազմավարական ծրագիրը «մեր իրավական եւ դատական համակարգի զարգացման համար էական նշանակություն ունեցող փաստաթուղթ է, եւ դրա պատշաճ իրականացումը խիստ կարեւոր է բարեփոխումների շարունակականությունն ապահովելու համար»:
«Քննարկման արդյունքներով արձանագրվել է, որ ծրագրի կատարման շուրջ չորս տարիների ընթացքում եղել են ինչպես դրական ձեռքբերումներ, այնպես էլ լուրջ թերացումներ եւ բացթողումներ», - ասված է հաղորդագրության մեջ:
Նախագահը հանձնարարել է մինչեւ տարեվերջ գործուն միջոցներ ձեռնարկել չկատարված ծրագրային գործողություններն արդյունավետ իրականացնելու համար:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: