Երեւան: Մեդիամաքս: ՀՀ նախագահ Սերժ Սարգսյանն այսօր ասել է, որ Հայաստանը շատ բան է սովորում է Եվրոպայից, մասնավորապես, այն, որ «իշխանությունը եւ ընդդիմությունը թշնամիներ չեն»:
Ինչպես հաղորդում է Մեդիամաքս-ը, ՀՀ նախագահն այդ մասին ասել է` հանդես գալով այսօր Ստրասբուրգում ԵԽԽՎ նիստում:
Սերժ Սարգսյանն ասել է, որ ՀՀ իշխանությունները կարեւորում են 2012թ. ԱԺ ընտրությունների ազատ եւ արդար ընտրությունների անցկացումը: Նա ասել է, որ Ընտրական Օրենսգրքի վերջին բարեփոխումների ժամանակ վերլուծվել են նախկին բոլոր միջազգային դիտորդական առաքելությունների զեկույցները եւ հույս է հայտնել, որ դա թույլ կտա անկացնել այնպիսի ընտրություններ, որոնց արդյունքի մասին հասարակությունը կասկածներ չի ունենա:
Խոսելով Եվրոպայի Խորհրդի դերի մասին, Սերժ Սարգսյանն ասել է, որ Հայաստանում երբեմն կատակում են, որ երկրի քաղաքական կյանքում կան երեք կողմեր` իշխանությունը, ընդդիմություն եւ Եվրոպայի Խորհուրդը:
Սերժ Սարգսյանն ասել, որ «երկու տասնամյակների ընթացքում Հայաստանում իրականացվել է ժողովրդավարական լայնածավալ շինարարություն»: Նա շեշտել է, որ Հայաստանում երբեք հարց չի առաջացել ժողովրդավարական ուղուց շեղվելու մասին` անկախ բոլոր դժվարություններից:
Նախագահն ասել է, որ իշխանությունները լի են վճռականությամբ շարունակել այն բարեփոխումները, որոնք անհրաժեշտ են Հայաստանում ժողովրդավարության ամրապնդման համար:
