Շարունակում ենք ներկայացնել լուսանկարները, որոնք բելգիացի լուսանկարիչ Կարլ դե Կեյզերն արել էր Խորհրդային Հայաստանում 1988 եւ 1989 թվականներին: 

***

Առաջին հոդվածն այստեղ է. 1988-ի ամառը, Լենինը եւ եռագույնով երեխաները:

Երկրորդն այստեղ է. Պատմական հանրահավաքներն ու երիտասարդ Աշոտ Մանուչարյանը

***

Այս անգամ կտեսնեք Կարլի լուսանկարները, որոնք միավորված չեն առանձին շարքում եւ թույլ են տալիս զգալ, թե ինչպիսին էր Հայաստանը եւ նրա մարդիկ հեռավոր 1988-ին:

Լուսանկարը` Carl de Keyzer/Magnum

Այս լուսանկարում երեխաները լողանում են «Զվարթնոց» օդանավակայանի անմիջական հարեւանությամբ: 

Հետաքրքիր է, ինչ է այսօր այդ լողավազանի տեղում:

Լուսանկարը` Carl de Keyzer/Magnum

Իսկ սա հայտնի «բիձեքի գյոլն է» Հրազդանի կիրճում: 

Ինչպես տեսնում ենք, լուսանկարի հերոսները հիանալի մարզավիճակում են:

Լուսանկարը` Carl de Keyzer/Magnum

Իսկ այս նկարն ապացուցում է, որ «բիձեքի գյոլը» ժողովրդավարական հավաքատեղի էր եւ ընդունում էր նաեւ նրանց, ովքեր սպորտով չեն զբաղվում:

Լուսանկարը` Carl de Keyzer/Magnum

Այս լուսանկարը Կարլն արել է կոլտնտեսություններից մեկում: 

Տախտակին փակցված առաջավորներից շատերը մեդալներով են՝ Մեծ Հայրենական պատերազմի մասնակիցներ են:

Լուսանկարը` Carl de Keyzer/Magnum

Այս նկարում էլ կոլտնտեսության աշխատակիցներն են:

Լուսանկարը` Carl de Keyzer/Magnum

Տուրիստները Գառնիի տաճարի աստիճաններին:

Լուսանկարը` Carl de Keyzer/Magnum

Այս նկարն էլ Գեղարդում է արվել՝ պատրաստվում են մատաղի արարողության:

Լուսանկարը` Carl de Keyzer/Magnum

Դժվար է ասել, թե որն է այս մարդկանց ուրախության եւ պարելու առիթը, բայց  ասես կինոնկարի դրվագ լինի:

Լուսանկարը` Carl de Keyzer/Magnum

«Հաղթանակ» զբոսայգին է: Տեսնես, ո՞ւմ է լուսանկարում վետերան պապիկը:

Լուսանկարը` Carl de Keyzer/Magnum

Լուսանկարում պատկերված տղամարդն այնքան վճռական է ձմերուկ հյուրասիրում, որ կադրից դուրս մնացած «թիրախը» հաստատ չի կարողացել հրաժարվել:

Արա Թադեւոսյան

Մեդիամաքսը լուսանկարները պաշտոնապես գնել է Magnum գործակալությունից, եւ դրանք օգտագործելու ցանկացած փորձ կունենա իրավական հետեւանքներ: