Երեւան։ Մեդիամաքս։ Հայաստանի վարչապետ Նիկոլ Փաշինյանն այսօր ասել է, որ «Լեռնային Ղարաբաղի հայաթափումը երբեք մեր պլանների եւ քաղաքական ցանկությունների, նույնիսկ ճգնաժամային կառավարման տրամաբանությամբ, մեր օրակարգում չի եղել»:
«ՀՀ կառավարությունը չէր ցանկանում, որ ԼՂ ժողովուրդը ստիպված լինի թողնել իր տունը, բայց դա տեղի է ունեցել: Մենք գործով ապացուցեցինք, որ նույնպիսի գորովանքով ենք վերաբերվում Լեռնային Ղարաբաղի մեր քույրերի եւ եղբայրների կարիքներին, ինչպես՝ ՀՀ քաղաքացիների պարագայում:
Եթե Լեռնային Ղարաբաղի մեր քույրերն ու եղբայրներն իրենց տներ վերադառնալու հնարավորություն չունենան, մեր քաղաքականությունն է անել ամեն ինչ, որ բոլոր բռնի տեղահանվածները մնան Հայաստանում:
Մենք ուզում ենք, որ բոլորն առանց բացառության մնան, ապրեն, աշխատեն ՀՀ-ում»,- կառավարության նիստին ասել է Նիկոլ Փաշինյանը:
Նա նշել է, որ այս պահի դրությամբ Արցախից տեղահանված 2 500 մարդ է դուրս եկել Հայաստանից. «հույս ունեմ, որ նրանք գնացել են շոկային այս վիճակը հաղթահարելու եւ կվերադառնան»:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: