Երեւան: Մեդիամաքս: Արցախի Մարդու իրավունքների պաշտպան Արտակ Բեգլարյանն այսօր հայտնել է, որ սեպտեմբերի 27-ից ի վեր Ադրբեջանի կողմից Արցախի բնակավայրերի թիրախավորվան հետեւանքով առնվազն 46 քաղաքացիական անձ է զոհվել եւ 144-ը՝ վիրավորվել:
Նա ասել է, որ այս վիճակագրությունը չի ներառում մի շարք բնակավայրերում թշնամական դիվերսիոն խմբերի գործողությունների հետեւանքները:
«Նախնական հաշվարկներով քաղաքացիական օբյեկտների շրջանում ավելի քան 13 800 մասնավոր անշարժ գույք է վնասվել եւ շուրջ 3100 ենթակառուցվածքներ ու հանրային նշանակության օբյեկտներ՝ ներառյալ 61 դպրոց ու 10 մանկապարտեզ»,- ասել է Արտակ Բեգլարյանը:
