Երեւան: Մեդիամաքս: ՀՀ ՊՆ ներկայացուցիչ Արծրուն Հովհաննիսյանն այսօր ասել է, որ վաղ առավոտյան հակառակորդը շփման գծի գրեթե ողջ երկայնքով լայնածավալ հարձակողական գործողություններ էր ձեռնարկել:
«Հատկապես թեժ մարտեր են ընթացել հյուսիսային ուղղությամբ: Մեծածավալ հրետակոծությունից հետո հակառակորդը զինտեխնիկայի ներգրավմամբ հարձակման է անցել:
Այսօր հյուսիսում եղել է այս պատերազմի ամենաթեժ մարտերից մեկը, որի ընթացքում մեր ուժերը հետ են շպրտել թշնամուն՝ նրան պատճառելով էական կորուստներ: Համատեղ ուժերով հերոսական մարտեր են մղել բանակը, պահեստազորն ու աշխարհազորը», - ասել է Արծրուն Հովհաննիսյանը:
Նա նշել է, որ հակառակորդը որեւէ էական առաջխաղացում չունի նաեւ այլ ուղղություններով:
«14-15 օրվա ընթացքում հակառակորդի 3-4 բանակային կորպուսներ չեն կարողացել լուծել խնդիրներ, որոնք նախատեսված են 1 գնդի համար», - ասել է Արծրուն Հովհաննիսյանը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: