Երեւան: Մեդիամաքս: Ադրբեջանի արտաքին գործերի նախարար Ջեյհուն Բայրամովն այսօր ասել է, որ Ֆրանսիան չեզոք միջնորդ չէ ԼՂ կարգավորման գործում:

Reuters-ի հաղորդման համաձայն, Բայրամովն ասել է, որ Ֆրանսիան խախտել է չեզոքության սկզբունքը, այնինչ Ադրբեջանը նման բան չի նկատել Ռուսաստանի կողմից:

Մեդիամաքսը հիշեցնում է, որ վերջին 10 օրվա ընթացքում Ադրբեջանի նախագահ Իլհամ Ալիեւը մի քանի անգամ հրապարակայնորեն քննադատել էր Ֆրանսիայի նախագահ Էմանյուէլ Մակրոնին:

Այնուհանդերձ, այսօր վաղ առավոտյան Ռուսաստանի Դաշնության, Հայաստանի եւ Ադրբեջանի արտաքին գործերի նախարարների համատեղ հայտարարության 4-րդ կետում «կողմերը վերահաստատել են բանակցային գործընթացի ձևաչափի անփոփոխությունը»։