Երեւան: Մեդիամաքս: Վարչապետ Նիկոլ Փաշինյանն այսօր ասել է, որ հայկական կողմը հավատարիմ է Լեռնային Ղարաբաղի հիմնախնդրի խաղաղ կարգավորման սկզբունքին։
«Մենք պատրաստ ենք խաղաղ գործընթացի վերսկսմանը՝ համաձայն ԵԱՀԿ Մինսկի խմբի համանախագահ երկրների նախագահների, արտաքին գործերի նախարարների վերջին մի քանի օրերի հայտարարությունների»,- Երեւանում Եվրասիական միջկառավարական խորհրդի ընդլայնված կազմով նիստին ասել է ՀՀ վարչապետը:
Նա նաեւ նշել է, որ ադրբեջանական լայնամասշտաբ գործողությունների կամ ադրբեջանա-թուրքական ագրեսիայի արդյունքում Լեռնային Ղարաբաղի բնակչությունը կանգնած է հումանիտար աղետի շեմին։
«Մտահոգիչ են Թուրքիայի՝ ոչ միայն տարածաշրջանում, այլ ամբողջ աշխարհում իրավիճակի ապակայունացմանը սպառնացող ակտիվ քայլերը»,- ասել է Նիկոլ Փաշինյանը։
Փաշինյանը նաեւ նշել է, որ չնայած գործադրված ջանքերին՝ հակառակորդը էական հաջողությունների չի հասել։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: