Էրդողանը մերժել է Պուտինի, Մակրոնի ու Թրամփի կոչը - Mediamax.am

4327 դիտում

Էրդողանը մերժել է Պուտինի, Մակրոնի ու Թրամփի կոչը


Լուսանկարը` REUTERS


Երեւան: Մեդիամաքս: Թուրքիայի նախագան Ռեջեփ Թայիփ Էրդողանն արձագանքել է այսօր Ռուսաստանի, ԱՄՆ եւ Ֆրանսիայի նախագահներ Վլադիմիր Պուտինի, Դոնալդ Թրամփի եւ Էմանուէլ Մակրոնի ընդունած համատեղ հայտարարությանը, որով նրանք կոչ էին արել անհապաղ դադարեցնել մարտական գործողությունները Լեռնային Ղարաբաղում:

Reuters-ի հաղորդման համաձայն, ելույթ ունենալով Թուրքիայի խորհրդարանում, նա ասել է, որ երկարատեւ խաղաղության հասնելու համար «Հայաստանը պետք է դուրս գա օկուպացված տարածքներից»:

 

«Հաշվի առնելով, որ Ռուսաստանն, ԱՄՆ-ն եւ Ֆրանսիան այս խնդիրը արհամարհել են գրեթե 30 տարի՝ անընդունելի է, երբ նրանք փորձում են հրադադար սահմանել», - ասել է Թուրքիայի նախագահը:

 

Հատկանշական է, որ Պուտինի, Թրամփի եւ Մակրոնի կոչը ուղղված էր Հայաստանի եւ Ադրբեջանի ղեկավարներին, բայց դրան առաջինն արձագանքել է Էրդողանը:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին