Երեւան: Մեդիամաքս: ԼՂՀ Պաշտպանության բանակի լրատվական ծառայությունը հրապարակել է անցած գիշեր հակառակորդի կողմից Մարտակերտ եւ Մատաղիս խաղաղ բնակավայրերի արկակոծման փաստացի ապացույցները:
Ապրիլի 25-ին եւ լույս 26-ի գիշերը ադրբեջանական կողմը, խախտելով կրակի դադարեցման պայմանավորվածությունը, օգտագործել է զինանոցում առկա գրեթե բոլոր հրետանային զինատեսակներն ու արկակոծել է ոչ միայն մարտական հենակետերը, այլեւ խաղաղ բնակավայրերը:
Մեդիամաքսի հետ զրույցում Մարտակերտի շրջանի վարչակազմի ղեկավար Վլադիկ Խաչատրյանը հայտնել էր, որ արկակոծումից քաղաքացիական անձինք չեն տուժել:
