Հայաստանը կմասնակցի BRICS-ի գագաթնաժողովին - Mediamax.am

3488 դիտում

Հայաստանը կմասնակցի BRICS-ի գագաթնաժողովին


Լուսանկարը` thehill.com


Երեւան: Մեդիամաքս: Փոխարտգործնախարար Մնացական Սաֆարյանն այսօր ասել է, որ «Հայաստանը կմասնակցի BRICS-ի գագաթնաժողովին»:

Այդ մասին Ազգային ժողովում լրագրողների հետ զրույցում ասել է Մնացական Սաֆարյանը՝ չներկայացնելով այլ մանրամասներ:

 

BRICS-ի (Բրազիլիա, Ռուսաստան, Հնդկաստան, Չինաստան, Հարավային Աֆրիկա, Իրան, Եգիպտոս, Եթովպիա եւ Արաբական Միացյալ Էմիրություններ) ամենամյա գագաթնաժողովը տեղի կունենա հոկտեմբերի 22-ից 24-ը Կազանում:

 

Ադրբեջանը BRICS-ին միանալու հայտ է ներկայացրել. Սպասվում է, որ երկրի նախագահ Իլհամ Ալիեւը կմասնակցի Կազանի գագաթնաժողովին:

 

Օգոստոսի վերջին Ռուսաստանի փոխարտգործնախարար Սերգեյ Ռյաբկովը հայտարարել էր, որ Մոսկվան աջակցում է BRICS-ին միանալու Բաքվի հայտին.

 

«Մեր կարծիքով, Ադրբեջանը ուժեղ թեկնածու է, որը միանալով BRICS-ին, իր հետ կբերի լրացուցիչ դինամիկա եւ տարբեր օրակարգերի վրա միաժամանակ եւ կառուցողական աշխատելու փորձ, ինչը շատ բնորոշ է BRICS-ին»:

 

Նրա խոսքով, BRICS-ի հիմնական սկզբունքներից մեկը ճնշումների ու շանտաժի ժխտումն է եւ միջազգային իրավունքի սկզբունքների ու նորմերի հարգումը։ «Սա լիովին համահունչ է Ադրբեջանի վարած քաղաքականությանը՝ այդ երկրի նախագահի գլխավորությամբ»,- նշել էր Ռյաբկովը։

 

Վերջին շրջանում BRICS-ին միանալու հեռանկարի մասին խոսում են նաեւ Թուրքիայում, սակայն անդամակցության հայտ ներկայացված չէ:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին