Երեւան: Մեդիամաքս: Ռուսաստանի փոխարտգործնախարար Սերգեյ Ռյաբկովը հայտարարել է, որ Մոսկվան աջակցում է BRICS-ին (Բրազիլիա, Ռուսաստան, Հնդկաստան, Չինաստան, Հարավային Աֆրիկա, Իրան, Եգիպտոս, Եթովպիա եւ Արաբական Միացյալ Էմիրություններ) միանալու Բաքվի հայտին։
Ինչպես հաղորդում է «Ազերթաջ» գործակալությունը, Ռյաբկովն ասել է.
«Մեր կարծիքով, Ադրբեջանը ուժեղ թեկնածու է, որը միանալով BRICS-ին, իր հետ կբերի լրացուցիչ դինամիկա եւ տարբեր օրակարգերի վրա միաժամանակ եւ կառուցողական աշխատելու փորձ, ինչը շատ բնորոշ է BRICS-ին»:
Նրա խոսքով, BRICS-ի հիմնական սկզբունքներից մեկը ճնշումների ու շանտաժի ժխտումն է եւ միջազգային իրավունքի սկզբունքների ու նորմերի հարգումը։ «Սա լիովին համահունչ է Ադրբեջանի վարած քաղաքականությանը՝ այդ երկրի նախագահի գլխավորությամբ»,- նշել է Ռյաբկովը։
Ռուսաստանի փոխարտգործնախարարը հայտնել է, որ Ադրբեջանի նախագահ Իլհամ Ալիեւը հրավիրված է մասնակցել հոկտեմբերի 22-ից 24-ը Կազանում կայանալիք BRICS-ի գագաթնաժողովին։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: