Երեւան: Մեդիամաքս: Ադրբեջանը եւ Չինաստանը ռազմավարական գործընկերության հաստատման վերաբերյալ հռչակագիր են ստորագրել։
Հուլիսի 3-ին Աստանայում Շանհայի համագործակցության կազմակերպության (ՇՀԿ) գագաթնաժողովի շրջանակներում ստորագրված հռչակագրում, մասնավորապես, ասվում է.
«Միջազգային եւ տարածաշրջանային իրավիճակի տեկտոնական եւ բարդ զարգացման լույսի ներքո կողմերը պայմանավորվել են ընդլայնել համագործակցությունը քաղաքական, տնտեսական եւ մշակութային ոլորտներում, ամրապնդել համագործակցությունը միջազգային հարցերում, համատեղ պաշտպանել երկու երկրների ընդհանուր շահերը»:
Փաստաթղթում նշվում է, որ «մարդու իրավունքների պաշտպանությունը պետք է հիմնված լինի բոլոր երկրների ինքնիշխանության հարգման անսասան սկզբունքների վրա» եւ կողմերը «դեմ են մարդու իրավունքների հարցերի քաղաքականացմանը եւ երկակի ստանդարտների ներդրմանը»։
«Կողմերը դեմ են մարդու իրավունքների պաշտպանության պատրվակով ցանկացած պետության ներքին գործերին միջամտությանը, աջակցում են մարդու իրավունքների պաշտպանությանը՝ անվտանգության ապահովման, զարգացման, համագործակցության եւ երկխոսության միջոցով մարդու իրավունքների խթանման միջոցով եւ համատեղ կնպաստեն մարդու իրավունքների ոլորտում ավելի հավասար, արդար, վեհ եւ հանդուրժող գլոբալ մեխանիզմների մշակմանը»,- ասվում է հռչակագրում։
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: