«Պատժամիջոցները նպաստել են ՌԴ եւ Ադրբեջանի մերձեցմանը» - Mediamax.am

1883 դիտում

«Պատժամիջոցները նպաստել են ՌԴ եւ Ադրբեջանի մերձեցմանը»


Լուսանկարը` sputnik.az


Երեւան: Մեդիամաքս: Բաքվում Ռուսաստանի դեսպան Միխայիլ Եվդոկիմովը ասել է, որ արեւմտյան պատժամիջոցներն էայան ազդեցություն են ունեցել Ռուսաստանի եւ Ադրբեջանի միջեւ տնտեսական համագործակցության ամրապնդման վրա։

«Մենք կանխատեսում էինք, որ 2023 թվականին ապրանքաշրջանառությունը Ռուսաստանի եւ Ադրբեջանի միջեւ կհասնի $ 4 միլիարդի։ Մենք սխալվեցինք։ Առեւտրաշրջանառությունը կազմել է $ 4,4 մլրդ, աճը՝ 17%։ Պատժամիջոցները հանգեցրել են նրան, որ մեր հարաբերություններն էլ ավելի են սերտացել, մենք շատ լուրջ նախագծեր ենք իրականացնում արդյունաբերական համագործակցության ոլորտում»,- ասել է Եվդոկիմովը «Իզվեստիա» թերթին տված հարցազրույցում։

 

Նա ընդգծել է, որ «17 %-անոց աճը Ադրբեջանի միջոցով ինչ-որ բաների վերաարտահանում չէ, այն, մասնավորապես, արդյունաբերական կոոպերացիայի խոշոր նախագծեր են»։

 

«Մեկ այլ ցուցանիշ, որը վկայում է Արեւմուտքի պատժամիջոցների արդյունքի մասին։ Այս տարվա սկզբի դրությամբ Ռուսաստանի եւ Ադրբեջանի ազգային արժույթների օգտագործումը գերազանցել է 54%-ը, այսինքն՝ Բաքվի հետ հարաբերություններում մենք հեռանում ենք դոլարից եւ եվրոյից»,- ասել է դիվանագետը։

 

«Ադրբեջանը վերածվել է տնտեսապես զարգացած, շատ ուժեղ եւ կայուն պետության։ Եվ ադրբեջանական բիզնեսը նույնպես շատ արդյունավետ եւ արագ է արձագանքում Ռուսաստանի հետ տնտեսական հարաբերությունների նոր հնարավորություններին»,- նշել է Միխայիլ Եվդոկիմովը։

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին