Երեւան: Մեդիամաքս: Ռուսաստանի եւ Ադրբեջանի արտաքին գործերի նախարարներ Սերգեյ Լավրովն ու Ջեյհուն Բայրամովն այսօր հեռախոսազրույց են ունեցել։

Ռուսաստանի Դաշնության ԱԳՆ Տեղեկատվության եւ մամուլի վարչության հաղորդագրության մեջ ասվում է.

«Նախարարները քննարկել են երկկողմ հարաբերությունների արդիական հարցեր՝ շեշտը դնելով Ռուսաստանի Դաշնության եւ Ադրբեջանի Հանրապետության 2022 թվականի փետրվարի 22-ի դաշնակցային համագործակցության մասին հռչակագրի դրույթների կատարման վրա։

Նրանք քննարկվել են Ռուսաստանի, Ադրբեջանի եւ Հայաստանի ղեկավարների միջեւ 2020 թվականի նոյեմբերի 9-ի, 2021 թվականի հունվարի 11-ի եւ նոյեմբերի 26-ի եռակողմ պայմանավորվածությունների կատարման ընթացքը եւ պայմանավորվածություն են ձեռք բերվել ակտիվացնել համապատասխան աշխատանքները։

Քննարկվել են նաեւ միջազգային եւ տարածաշրջանային օրակարգի առանձին հարցեր»։