Երեւան։ Մեդիամաքս։ Հարավային Կովկասի եւ Վրաստանում ճգնաժամի հարցերով Եվրամիության հատուկ ներկայացուցիչ Տոյվո Կլաարը Երեւանում եւ Բաքվում հանդիպումներից հետո վերադարձել է Բրյուսել եւ գրառում կատարել Թվիթերի իր միկրոբլոգում։
«Բարդ եւ երբեմն զգացմունքային մտքերի փոխանակում էր: Շատ խնդիրներ են մնում չլուծված, բայց հույս կա, որ հրադադարը կպահպանվի։
Եվրամիությունը շարունակում է ներգրավված մնալ ամենաբարձր մակարդակով։ Մեր նպատակը Հայաստանին ու Ադրբեջանին օգնելն է՝ հասնելու համապարփակ եւ կայուն համաձայնագրի, որը կապահովի կայուն, անվտանգ եւ բարգավաճ Հարավային Կովկաս:
Վերջին մարտերի ժամանակ խաղաղ բնակիչների դեմ հանցագործությունների եւ բռնության մասին ահազանգեր կան: Նախորդ դեպքերը նույնպես քննության կարիք ունեն, բայց ոչ մի կերպ չեն կարող արդարացում լինել։ Մարդու իրավունքների խախտումների եւ ռազմական հանցագործությունների մասին բոլոր հայտարարությունները պետք է հետաքննվեն, իսկ մեղավորները՝ պատասխանատվության ենթարկվեն»,- գրել է Տոյվո Կլաարը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: