Հայկո Մաաս. Միջազգային հանրությունը ռազմական լուծում չի ընդունելու - Mediamax.am

2298 դիտում

Հայկո Մաաս. Միջազգային հանրությունը ռազմական լուծում չի ընդունելու


Լուսանկարը` REUTERS


Երեւան: Մեդիամաքս: Գերմանիայի արտգործնախարար Հայկո Մաասն ասել է, որ Թուրքիան պետք է գործի ԵԱՀԿ Մինսկի խմբին իր անդամությանը համապատասխան եւ նպաստ բերի խաղաղ կարգավորմանը:

Հայկո Մաասն այդ մասին ասել է հոկտեմբերի 29-ին՝ Բունդեսթագում Արցախի թեմայով կայացած քննարկումների ժամանակ:

 

Նախարարն ասել է, որ պատերազմի այս փուլում Գերմանիան հետամուտ է երկու առաջնահերթ նպատակի՝ հումանիտար օգնություն ապահովել պատերազմական գործողություններից տուժած քաղաքացիական բնակչությանը եւ հասնել անհապաղ, առանց նախապայմանների հումանիտար հրադադարի:

 

Նա նշել է, որ հանդիսանալով ԵԱՀԿ Մինսկի խմբի անդամ, Գերմանիան պատրաստ է նպաստել բովանդակային բանակցությունների առաջ մղմանը:

 

«Ադրբեջանը եւ Հայաստանը պետք է գիտակցեն, որ այսքան երկար տեւող այս հակամարտության որեւէ ռազմական լուծում միջազգային հանրության կողմից չի ընդունվելու: Բարենպաստ բանակցային դիրքեր ռազմի դաշտում չեն կարող ձեռք բերվել: Հրադադարին եւ բովանդակային նոր բանակցություններ սկսելուն այլընտրանք չկա», - ասել է Գերմանիայի արտգործնախարարը:

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:

Մեր ընտրանին