Երեւան: Մեդիամաքս: ԵԱՀԿ կարճաժամկետ դիտորդական առաքելության համակարգող Ֆրանսուա-Խավիեր դե Դոնեն այսօր Երեւանում ասել է, որ «որոշ առումներով երեկվա ընտրությունները բարելավում էին նախորդ ընտրությունների համեմատ, սակայն կային նաեւ ետքայլեր, որոնք վկայում են շարունակական բարելավման անհրաժեշտության մասին»:
Պատասխանելով Մեդիամաքս-ի հարցին, Ֆրանսուա-Խավիեր դե Դոնեն նկատել է, որ հիմնական խնդիրը, թերեւս, կայանում է նրանում, որ ընտրական հանձնաժողովները միշտ չեն լիարժեք կատարում ընտրական օրենսդրությամբ նախատեսված իրենց գործառույթները:
Իր հերթին, պատասխանելով Մեդիամաքս-ի հարցին, Եվրոպական Խորհրդարանի պատվիրակության ղեկավար Քրիստոֆ Լիսեկն ասել է, որ խնդիրը ոչ թե ընտրական օրենսդրությունն է, այլ դրա իրագործումը:
