Երեւան: Մեդիամաքս: Մեկնաբանելով վերջերս մամուլում կառավարությանը եւ Կենտրոնական բանկի հասցեին ուղղված քննադատությունը` ՀՀ վարչապետ Տիգրան Սարգսյանն այսօր ասել է, որ այդ քննադատությունն անհիմն է:
«Մեզ քննադատում են, որ աջ ձեռքը չգիտի, թե ինչ է անում ձախ ձեռքը, սակայն դրանք անհիմն քննադատություններ են»,- կառավարության նիստումն ասել է Տիգրան Սարգսյանը:
«Հասկանալի է, որ Կենտրոնական բանկի հիմնական նպատակն է գնաճի զսպումը, իսկ կառավարության՝ տնտեսական աճի շեշտադրումը: Երկու տարբեր նպատակներ ունենալով՝ մենք մշտապես բանավեճի մեջ ենք Կենտրոնական բանկի հետ»,- ասել է վարչապետը:
Տիգրան Սարգսյանի խոսքով, այս հակադրությունը, բանավեճը պետք է մշտապես տեղի ունենա, քանի որ հենց դրա «շնորհիվ են ծնվում այն որոշումները, որոնք ապահովում են մեր երկրում մակրոտնտեսական կայունությունը»:
«Դրա համար գոյություն ունի դրամավարկային եւ հարկաբյուջետային քաղաքականությունների համակարգման հստակ ուղեցույց: Ուղղակի որոշ մարդիկ չեն պատկերացնում, թե ինչ է դրամավարկային եւ հարկաբյուջետային քաղաքականութան համակարգումը», - ասել է վարչապետը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: