Երեւան: Մեդիամաքս: Ավարտվել է ՀՀ պաշտպանության նախարարի տեղակալ, ՊՆ ռազմարդյունաբերության պետական կոմիտեի նախագահ Դավիթ Փախչանյանի գլխավորած պատվիրակության քառօրյա այցը Լեհաստան:
Լեհաստանի արտաքին գործերի նախարարի տեղակալ Բարտոշ Չիխորսկու եւ պաշտպանության նախարարի տեղակալ Բարտոշ Կովնացկու հետ հանդիպումներում բարձր է գնահատվել ռազմատեխնիկական համագործակցության մակարդակը եւ նշվել, որ այն ամուր հիմք է նոր ծրագրերի եւ նախագծերի քննարկման համար:
Լեհաստանի արտգործնախարարությունում կայացած հանդիպմանը լեհական կողմը վերահաստատել է ԵԱՀԿ Մինսկի խմբի շրջանակում ԼՂ խնդրի բացառապես խաղաղ կարգավորման վերաբերյալ իր դիրքորոշումը: Դավիթ Փախչանյանն էլ կարեւորել է այդ ուղղությամբ համանախագահների գործադրած ջանքերը:
Բարտոշ Կովնացկին շնորհակալություն է հայտնել հայկական կողմին Կիելցեում կազմակերպված ռազմարդյունաբերական հեղինակավոր ցուցահանդեսին մասնակցելու համար: Նա հույս է հայտնել, որ լեհական արտադրության զինատեսակները եւ ռազմական տեխնոլոգիաները կհետաքրքրեն հայկական կողմին ու կբացեն համագործակցության նոր հեռանկարներ:
Դավիթ Փախչանյանն էլ ոլորտի լեհական ընկերություններին հրավիրել է մասնակցելու առաջիկայում Երեւանում կայանալիք նույնաբնույթ ցուցահանդեսին:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: