Երեւան: Մեդիամաքս: Մեդիամաքս-ը «Գրքերի տաղավար» խորագրում շարունակում է ներկայացնել Հայաստանում լույս տեսած նոր գրքերը:

Հրատարակված գրքերին վերաբերող տեղեկատվությունը տրամադրվում է հրատարակչությունների  կողմից:

Վերջին ջահելությունը

Հարություն Հարությունյան

Հրատարակչությունը`Լուսակն

Ծավալը`180էջ

Չափը`84x108 1/32

Կազմը` փափուկ

Տպագրությունը`օֆսեթ

Գինը`3000 դրամ

Որտեղ գնել`«Նոր գիրք», «Նոյան Տապան»,«Բուկինիստ», «Բյուրոկրատ» գրախանութներից, «Արտբրիջ» սրճարանում

Գրքի առաջաբանում Ռոլանդ Շառոյանը գրում է. «Խոսքը փոխակերպելու եւ երկխոսության մեջ քարացնելու` հարության ոճը բոլոր ստեղծագործությունների մեջ առկա է, մնացած գնահատումները թողնում եմ ընթերցողներին եւ ավարտում եմ խոսքս Ռոլան Բարթի մի ձեւակերպումով. «Գրում են սիրվելու համար, կարդացվում են առանց սիրվել կարողանալու: Անկասկած, այս տարածությունն է, որ գրող է ծնում»: Հարությունը գրող է, անկասկած, եւ առանց ավելորդ ածականների:

«Մեր մեծերը մեր հիմնախնդիրների մասին»

Ա.Պեպանյան, Հ. Թովմասյան

Հրատարակչությունը`Նաիրի

Ծավալը`176էջ

Չափը`60x84 1/16

Կազմը` փափուկ,  լամինացված 

Տպագրությունը`օֆսեթ

Որտեղ գնել`Երեւան քաղաքի բոլոր գրախանութներից

Գրքում ներկայացված են տասնիններորդ դարի վերջերի, քսաներորդ դարի սկզբների հայաստանյան ներքին իրավիճակը, հասարակական հարաբերությունների որակը, որոնք էլ մեծամասամբ որոշում են այժմյան մեր իրականությունը: Գիրքը նախատեսված է քաղաքականությամբ հետաքրքրվողների, երկրում ստեղծված իրավիճակը դեպի դրականը փոփոխված տեսնել ցանկացողների համար:

«Անկիմյուրի բնակիչները»

Արմինե Անդա

Հրատարակչությունը` Փրինթինֆո

Ծավալը`400 էջ

Չափը`23x16

Կազմը` փափուկ

Տպագրությունը`օֆսեթ

Որտեղ գնել`Նոյան Տապան,Բուկինիստ,Արտ Բրիջ գրախանութներում

Անկիմյուրի երեւակայական աշխարհում ապրում են ոչ միայն մարդիկ, այլեւ ամենատարբեր արարածներ. նիմբլյումներ, բլյումբլյումներ, տանոտնուկներ, պերիսետներ եւ այլն, եւ այլն: Գրքի ամեն  պատմություն այդ աշխարհից նոր հերոսի կամ հերոսների մի ամբողջ ցեղի մասին է...

Դերենիկ Դեմիրճյան

Կազմող  եւ խմբագիր` Նվեր Վիրաբյան

Հրատարակչությունը` Էդիթ Պրինտ

Ծավալը`236 էջ

Չափը`14.5 x 20

Կազմը` փափուկ

Տպագրությունը`օֆսեթ

Գինը`2300 դրամ

Որտեղ գնել`Երեւան քաղաքի բոլոր գրախանութներում

«Իմ գրադարանը» մատենաշարով լույս է տեսնում Դերենիկ Դեմիրճյանի գործերի ժողովածուն: Հասարակության հոգսերով ապրող բանաստեղծը ձգտում էր հասկանալ կյանքում տիրող անարդարությունների պատճառը:

«Դարի կողոպուտը. հայերի ունեզրկումը Օսմանյան կայսրությունում 1914-1923 թթ.»

Անահիտ Աստոյան

Հրատարակչությունը`Նաիրի

Ծավալը`256 էջ + 35 էջ նկարներ եւ փաստաթղթեր

Չափը`A1/4

Կազմը`կոշտ,սուպեր շապիկով

Տպագրությունը`օֆսեթ

Որտեղ գնել`հեղինակից (Հեռ`093 51 64 53)

Գրքում արխիվային վավերագրերի, հայկական, թուրքական եւ օտար այլ աղբյուրների հիման վրա ներկայացված է Օսմանյան կայսրությունում 1914-1923 թվականներին երիտթուրքական եւ քեմալական իշխանությունների կողմից հայերի ունեզրկման առարկայական պատմությունը:

«Գրքերի տաղավար» խորագրի հետ համագործակցել ցանկացող հրատարակիչները կարող են զանգահարել Մեդիամաքս-ի աշխատակից Լիլիթ Գյոզալյանին` 010 54 33 84: