Երեւան: Մեդիամաքս: Այս տարվանից «Այբ» ավագ դպրոցում կգործեն միջին դպրոցի դասարաններ:
Այդ մասին Մեդիամաքս-ին ասել է դպրոցի փոխտնօրեն Վիգեն Շիրվանյանը:
Հիշեցնելով, որ 2013 թվականից «Այբ»-ում սկսել է գործել տարրական դպրոցը, նա ասել է, որ 2014թ. ընթացքում տարրական ու միջին դասարանները Երեւանում եւ Դիլիջանում ավելի կընդարձակվեն:
Խոսելով 2014թ. ծրագրերի մասին, Վիգեն Շիրվանյանն ասել է, որ այս տարի նախատեսվում է սկսել դպրոցի տարածքի ընդլայնման շինարարական աշխատանքները:
Նախատեսվում է, որ «Այբ» կրթական ավանն իր մեջ կներառի տարբեր կրթական օղակներ, ինչպես նաեւ մանկապարտեզ, եկեղեցի, մեդիա արվեստների կենտրոն, լողավազան, թենիսի կորտեր, ֆուտբոլի դաշտ եւ այլն:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: