Երեւան: Մեդիամաքս: Որքա՞ն գումար են ծախսել այսօրվա ընտրություններին մասնակցող թեկնածուները:
Մեդիամաքս-ը կազմել է ս.թ. փետրվարի 13-ի դրությամբ թեկնածուների նախընտրական հիմնադրամների չափերի նշումով աղյուսակ` հիմնված Կենտրոնական ընտրական հանձնաժողովի տվյալների վրա: Նշված գումարների մեզ մասը նույն ամսաթվի դրությամբ արդեն ծախսվել էր, ինչը տրամաբանական էր, քանի որ քարոզարշավի ավարտին մնում էր 3 օր:
Թեկնածու | Նախընտրական հիմնադրամի չափը (ՀՀ դրամ) |
Ս. Սարգսյան | 102 049 600 |
Ր. Հովհաննիսյան | 82 000 000 |
Հ. Բագրատյան | 11 300 000 |
Ա. Ղուկասյան | 4 378 240 |
Պ. Հայրիկյան | 1 024 000 |
Վ. Սեդրակյան | 700 000 |
Ա. Մելիքյան | 0 |
ԸՆԴԱՄԵՆԸ | 201 451 840 |
Կարող ենք եզրակացնել, որ 2013թ. նախագահական ընտրությունների «հրապարակային» արժեքը շուրջ 200 մլն դրամ է կամ $492 հազ., թեեւ ծախսերի իրական թիվը կարող է էապես գերազանցել նշվածը:
Քարոզարշավի մեկնարկին քննարկման լայն առարկա դարձած 8 մլն դրամի ընտրագրավները, որոնք պետք է վճարեին թեկնածուները, վերադարձվելու են միայն այն թեկնածուներին, որոնք կստանան ձայների առնվազն 5%-ը:
Չվերադարձվող ընտրագրավները փոխանցվում են պետբյուջե, ինչը, թերեւս, ընտրությունների միակ դրական կողմն է պետական ֆինանսների համար: 2013թ. նախագահական ընտրությունների կազմակերպման համար պետբյուջեից հատկացվել է 1 մլրդ 148 մլն 677.7 հազ. դրամ կամ $2.8 մլն:
Համեմատության համար նշենք, որ բնակարանային շինարարությանն այս տարի պետբյուջեից հատկացվել է 10 անգամ փոքր գումար:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: