Երեւան: Մեդիամաքս: Երեւանի քաղաքապետարանից հայտնում են, որ «մայրաքաղաքում տրանսպորտային հոսքերի անցանելիությունն ավելացնելու նպատակով ս.թ. նոյեմբերի 27-ից կկատարվի երթեւեկության կազմակերպման փոփոխություն»:
«Մասնավորապես՝ Բաղրամյան պողոտայում՝ Բաղրամյան պողոտա – Իսահակյան փողոց խաչմերուկից մինչեւ Բաղրամյան պողոտա հ.10 հասցեի (ՀՀ Սահմանադրական դատարան) հարակից ճանապարհահատված, երթեւեկելի գոտու աջ կողմում կարգելվի մեքենաների կանգառը:
Մեքենաների կանգառը կարգելվի նաեւ Բաղրամյան պողոտա – Ռաֆայել Լեմկինի փողոց խաչմերուկից մինչեւ Բաղրամյան պողոտա – Մոսկովյան փողոց խաչմերուկ:
Բաղրամյան պողոտա – Պռոշյան փողոց խաչմերուկից մինչեւ Բաղրամյան պողոտա – Լեռ Կամսարի փողոց խաչմերուկ, երթեւեկելի գոտու աջ կողմում կարգելվի մեքենաների կանգառը:
Պռոշյան փողոցում՝ Բաղրամյան պողոտա – Պռոշյան փողոց խաչմերուկից մինչեւ Պռոշյան - Այգեձորի փողոցների խաչմերուկ կարգելվի մեքենաների կանգառը», - հայտնում են Երեւանի քաղաքապետարանից:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: