Երեւան։ Մեդիամաքս։ Երեւանի նախին քաղաքապետ Հայկ Մարությանը մասնակցելու է Երեւանի ավագանու ընտրություններին:
Այսօր հրապարակված տեսանյութում նա բացատրել է իր որոշման շարժառիթները:
Հայկ Մարությանը հանդես է եկել իշխանությունների քննադատությամբ, մասնավորապես, ակնարկելով Ազգային Ժողովի նախագահ Ալեն Սիմոնյանին:
«Մեր թիմը չունի մեծ գումարներ, սեփական օլիգարխներ, լրատվամիջոցներ, վարչական լծակներ: Միակ մեր հարստությունը դուք եք, երեւանցինե՛ր», - ասել է Հայկ Մարությանը:
Նախկին քաղաքապետը չի մանրամասնել, թե ովքեր են իր թիմակիցները:
Հայկ Մարությանը Երեւանի քաղաքապետ էր դարձել 2018 թվականի սեպտեմբերի 23-ին կայացած Երեւանի ավագանու արտահերթ ընտրությունների արդյունքում:
2022թ. դեկտեմբերին Երեւանի ավագանու «Իմ քայլը» խմբակցությունը քաղաքապետ Հայկ Մարությանին անվստահություն հայտնելու նախաձեռնություն էր սկսել եւ առաջադրել քաղաքապետի առաջին տեղակալ Հրաչյա Սարգսյանի թեկնածությունը:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: