Երեւան: Մեդիամաքս: ԱՄՆ նախագահ Դոնալդ Թրամփը հայտարարել է, որ նոր Tesla ավտոմեքենա կգնի՝ ընկերության սեփականատեր Իլոն Մասկին աջակցելու նպատակով։

«Վաղն առավոտյան ես պատրաստվում եմ գնել նոր Tesla՝ ի նշան վստահության եւ աջակցության Իլոն Մասկին։ Ինչո՞ւ նա պետք է պատժվի իր հսկայական կարողություններն օգտագործելու համար՝ օգնելու Ամերիկան կրկին հզոր դարձնելու համար»,- գրել է Թրամփը իրեն պատկանող Truth Social սոցցանցում:

Մասկի Կառավարության արդյունավետության բարձրացման դեպարտամենտի (DOGE) գործողությունները ԱՄՆ-ում Tesla-ի դեմ բողոքի ակցիաների պատճառ են դարձել։