Google ընկերությունը հրապարակել է 2014 թ-ի որոնողական հարցումների վարկանիշը:

«Որոնումների տարի» ամենամյա նախագծի տվյալները հասանելի են Google-ի պաշտոնական կայքում:

Google-ին ուղղված հարցումների վարկանշային աղյուսակը գլխավորել է այս տարի կյանքից հեռացած դերասան Ռոբին Ուիլյամսը: Լավագույն եռյակում են նաեւ Բրազիլիայում կայացած ֆուտբոլի Աշխարհի առաջնությունը եւ Էբոլա տենդը:

4-րդ տեղում է 370 Malaysia Airlines չվերթի անհետացումը, 5-րդում՝ Ice Bucket Challenge ֆլեշմոբը:

6-րդ հորիզոնականում է Flappy Bird խաղը, 7-րդում՝ «Իսլամական պետություն» ահաբեկչական խմբավորումը:

8-րդ տեղն է զբաղեցրել «Եվրատեսիլ-2014»-ի հաղթող Կոնչիտա Վյուրսթը:

Տասնյակի վերջին երկու տեղերն են գրավել «Սառը սիրտ» մուլտֆիլմը եւ Սոչիի Օլիմպիական խաղերը: