Երեւան: Մեդիամաքս: Fitch Ratings-ը վերահաստատել է Հայաստանի վարկանիշը «BB-» մակարդակում՝ «Կայուն» կանխատեսմամբ:

Տնտեսական ցուցանիշների վերլուծությունից բացի, միջազգային վարկանիշային գործակալությունը անդրադարձել է նաեւ Հայաստանի ներքին եւ արտաքին քաղաքականության հարցերին:

«2025 թվականի հունիսին Հայաստանի կառավարությունը հայտնեց պետական հեղաշրջում կազմակերպելու դավադրության բացահայտման մասին՝ ձերբակալելով եկեղեցական բարձրաստիճան ներկայացուցիչների եւ ազդեցիկ բիզնեսմենի, որի էլեկտրաէներգիա բաշխող ընկերությունն այնուհետեւ ազգայնացվեց: Fitch-ի գնահատմամբ, կառավարության կայունությունը վտանգված չէ:

2025 թվականի մարտին Ադրբեջանը եւ Հայաստանը հայտնել են խաղաղ համաձայնագրի ձեռքբերման մասին, թեեւ դրա բովանդակությունը եւ ստորագրման ժամկետները անորոշ են մնում: Fitch-ի գնահատմամբ, ռազմական հակամարտության վերսկսումն այս պահին քիչ հավանական է»,- նշված է զեկույցում: