Ամփոփվել են «Ճանաչիր Երվանդ Քոչարին» մրցանակային թեստ-խաղի արդյունքները:

Մրցանակային թեստ-խաղի մեկնարկել էր հունիսի 15-ին ժամը 10:00-ին եւ ավարտվել հունիսի 17-ին, ժամը 10:00-ին:

Խաղն ունեցել է 12 գրանցված մասնակից:

Բոլոր հարցերին ճիշտ է պատասխանել 4 մասնակից՝ Մարիամ Մինասյանը, Լիանա Մանուկյանը, Լիլիթ Աղաջանյանը եւ Քրիստինե Հակոբյանը:

Մեդիամաքսը կապ կհաստատի հաղթողների հետ եւ նրանց կտրամադրի մրցանակները՝ Երվանդ Քոչարի թանգարանի երկուական տոմս եւ էքսկուրսիա:

Ստորեւ ներկայացված են մրցանակային թեստ-խաղի հարցերի ճիշտ պատասխանները:

***

Նկարչական ո՞ր արտահայտչաձևի հեղինակ է համարվում Քոչարը․

Տարածական նկարչություն

Երևանից բացի ո՞ր քաղաքում կարելի է տեսնել Քոչարի տարածական նկարները․

Փարիզ 

1922 թվականին ո՞ր քաղաքում է տեղի ունենում Երվանդ Քոչարի անհատական ցուցահանդեսը․

Պոլիս 

Ո՞ր գրողի մահվան 100-ամյակի կապակցությամբ է Քոչարը ստեղծում քանդակային շարք․

Ալեքսանդր Պուշկին 

Նշվածներից որի՞ հեղինակը Երվանդ Քոչարը չէ․

Սարդարապատի հուշահամալիրի ցլերը 

Բանտում անցկացրած տարիներին ինչի՞ց է Քոչարը վրձին ստանում ու նկարում․

Կատվի պոչից 

Ավարտի՛ր Քոչարի հայտնի խոսքը․ «Առաջնորդին ժողովուրդն է առաջնորդում... իսկ եթե նա չի հասկանում այդ․․․»։

Ժողովուրդը նրան կործանում է  

Ի՞նչն էր Քոչարը համարում միակ բանը, «որ ապրում է, երբ սոված է, մեռնում է, երբ կշտանում է»։

Սերը