Երեւան: Մեդիամաքս: Այսօր ժամը 20:00-ին Հայաստանի պատմության թանգարանի մուտքի մոտ կկայանա կամարաշար հատվածի երկու ութանկյուն պատուհաններին տեղադրված Հայաստանի Հանրապետության եւ հայկական բանակի զինանշանների նոր պատրաստված ապակենկարների (վիտրաժ) լուսավորման արարողությունը:
«Հանրապետության հրապարակի, ՀՀ կառավարության տան ու թանգարանի պետական-քաղաքական կարևորության համատեքստում զինանշանների տեղադրումը նպատակ ունի ընդգծելու մեր հազարամյա պատմության ընթացքում և ապագայի կերտման գործում ազգային պետականության և զինված ուժերի հիմնարար դերակատարությունը։ Երկու զինանշանների արտապատկերումները թանգարանի կառույցի վրա տեղադրվել են ՀՀ զինված ուժերի 30-ամյակի միջոցառումների շրջանակում. այժմ դրանք վերածվելու են թանգարանի հուշարձան շենքի կարևոր բաղադրիչների։ ՀՀ զինանշանը ՀՀ անկախությունից ի վեր առաջին անգամ է մշտապես տեղադրվելու Հանրապետության հրապարակում՝ մեր մայրաքաղաքի սրտում», - ասված է Հայաստանի պատմության թանգարանի հաղորդագրության մեջ:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: