Երեւան: Մեդիամաքս: Մարտի 25-ին ՅՈՒՆԵՍԿՕ-ի Փարիզի կենտրոնակայանում տեղի կունենա գալա-համերգ նվիրված Շառլ Ազնավուրի ծննդյան 100-ամյա հոբելյանին:

ԿԳՄՍ նախարարությունից հայտնում են, որ համերգը կրելու է «Une vie d'amour» («Սիրով լի կյանք») անվանումը:

Ազնավուրի երաժշտական ժառանգությունը կներկայացնի Հայաստանի Ազգային ֆիլհարմոնիկ նվագախումբը՝ գեղարվեստական ղեկավար և գլխավոր դիրիժոր Էդուարդ Թոփչյանի ղեկավարությամբ:

 

Մենակատարներն են Ինգա Արշակյանը, Գոռ Սուջյանը, Գուրգեն Բավեյանը և Ժյուլ Գրիզոն:

Համերգը կազմակերպել է ՀՀ կրթության, գիտության, մշակույթի և սպորտի նախարարությունը՝ ՅՈՒՆԵՍԿՕ-ում Հայաստանի մշտական ներկայացուցչության և Հայաստանի՝ ՅՈՒՆԵՍԿՕ-ի ազգային հանձնաժողովի հետ համատեղ։

Միջոցառումն կանցկացվի ՀՀ կառավարության կողմից հաստատված հոբելյանական միջոցառումների շրջանակում։