Երեւան: Մեդիամաքս: Մեդիամաքս մեդիա ընկերությունը վերահրատարակել է «ՎԱՆՈՆ ու ՎԱԶԳԵՆԸ. Երկու ընկերոջ կյանքն ու ողբերգությունը» գիրքը:

Գրքի վաճառքը մեկնարկել էր 2024թ. հոկտեմբերի 21-ին, եւ առաջին տպաքանակը սպառվել էր երեք շաբաթվա ընթացքում:

Երկրորդ հրատարակությունն արդեն հասանելի է «Բուկինիստ» եւ «Զանգակ» գրախանութների ցանցերում, առաջիկա օրերին գիրքը հասանելի կլինի նաեւ այլ գրախանութներում:

«ՎԱՆՈՆ ու ՎԱԶԳԵՆԸ. Երկու ընկերոջ կյանքն ու ողբերգությունը» գիրքը կարելի է ձեռք բերել առցանց Մեդիամաքսի կայքի միջոցով այս հղումով.

https://premium.mediamax.am/am/books/vano_vazgen

Այս եղանակով գնելու դեպքում գիրքը կարող եք վերցնել Մեդիամաքսի գրասենյակից Երեւանի կենտրոնում կամ պատվիրել առաքում:

«ՎԱՆՈՆ ու ՎԱԶԳԵՆԸ. Երկու ընկերոջ կյանքն ու ողբերգությունը» գիրքը պատմում է Երրորդ Հանրապետության հիմնադիր հայրերից երկուսի մասին: Շատ փաստեր եւ վկայություններ ներկայացված են առաջին անգամ՝ թույլ տալով ավելի լավ հասկանալ Վանո Սիրադեղյանի եւ Վազգեն Սարգսյանի հարաբերությունները տարբեր ժամանակաշրջաններում:

Հեղինակները զերծ են մնում եզրակացություններից՝ վստահ լինելով, որ ներկայացվող նյութը ընթերցողներին հնարավորություն կտա սեփական գնահատականներն անել:

Գիրքը նաեւ բազմաթիվ դրվագներ է ներկայացնում Հայաստանի նորագույն պատմությունից, որոնք կարեւոր են այսօրվա իրողությունները հասկանալու համար: