Երեւան: Մեդիամաքս: Կոնստանտին Օրբելյանը նշանակվել է Նյու Յորքի քաղաքային օպերայի (New York City Opera) նոր գործադիր տնօրեն եւ երաժշտական ղեկավար։
«Ինձ համար մեծ պատիվ եւ ուրախություն է ստանձնել գործադիր տնօրենի պաշտոնը, որը համատեղելու եմ Նյու Յորքի քաղաքային օպերայի երաժշտական տնօրենի եւ գլխավոր դիրիժորի պարտականությունների հետ», - ասել է Կոնստանտին Օրբելյանը:
«Գրեմմի»-ի քառակի հավակնորդ Օրբելյանը 2021 թվականին նշանակվել էր Նյու Յորքի քաղաքային օպերայի երաժշտական տնօրեն եւ գլխավոր դիրիժոր։
Նախկինում Կոնստանտին Օրբելյանը եղել է Մոսկվայի կամերային նվագախմբի եւ Ռուսաստանի ֆիլհարմոնիայի երաժշտական ղեկավարը, «Սանկտ Պետերբուրգի պալատներ» ամենամյա փառատոնի հիմնադիրը։
