Apollo-ից՝ Artemis. Չարլի Դյուկը ներկայացրել է Լուսին վերադառնալու ամերիկյան ծրագիրը - Mediamax.am

959 դիտում

Apollo-ից՝ Artemis. Չարլի Դյուկը ներկայացրել է Լուսին վերադառնալու ամերիկյան ծրագիրը


Չարլի Դյուկը
Չարլի Դյուկը

Լուսանկարը` Max Alexander/Starmus

Չարլի Դյուկը
Չարլի Դյուկը

Լուսանկարը` Max Alexander/Starmus

Չարլի Դյուկը
Չարլի Դյուկը

Լուսանկարը` Max Alexander/Starmus


Լուսնի վրա 12 մարդ է քայլել, որոնցից այսօր ողջ է միայն չորսը:

 

Նրանցից ամենաերիտասարդը 88-ամյա Չարլի Դյուկն է: Նա Լուսին էր այցելել 1972 թվականի ապրիլի 16-ից 27-ը՝ «Ապոլոն 16»-ի առաքելության կազմում:

 

Չարլի Դյուկը գիտության եւ արվեստի Starmus փառատոնի ամենասպասված եւ ամենասիրված հյուրերից մեկն է։ Բրատիսլավայում ընթացող Starmus Earth փառատոնը բացառություն չէր՝ Typos մարզահամերգային համալիրի դահլիճում հավաքված մարդիկ հոտնկայս դիմավորեցին նրան։

Չարլի Դյուկը Չարլի Դյուկը

Լուսանկարը` Max Alexander/Starmus

Այս անգամ Չարլի Դյուկը պատմում էր ոչ թե 52 տարի առաջ տեղի ունեցած թռիչքի եւ Լուսնի վրա անցկացված օրերի մասին, այլ ներկայացնում էր ԱՄՆ Տիեզերական գործակալության (NASA) Artemis ծրագրի մասին, որի միջոցով ամերիկացիները մտադիր են «վերադառնալ» Լուսին։

 

Սպասվում է, որ Artemis II առաքելությունը դեպի Լուսին կուղեւորվի 2025 թվականի աշնանը։ Չորս տիեզերագնացները Լուսնի վրա վայրէջք չեն կատարի, նրանք պետք է Լուսնի Հարավային բեւեռի հետազոտություններ անցկացնեն։ Հենց այդտեղ է վայրէջք կատարելու Artemis II առաքելությունը, որը ծրագրված է իրականացնել 2026 թվականի համար։ Այն կնշանավորի մարդկության վերադարձը Լուսին ավելի քան կես դար տեւած դադարից հետո։

 

Չարլի Դյուկը պատմել է, որ Լուսնի Հարավային բեւեռը պատահական չէ ընտրված։ Գիտնականները կարծում են, որ եթե Լուսնի վրա ջուր կամ սառույց կա, այն պետք է լինի հենց այդ բեւեռում։

Չարլի Դյուկը Չարլի Դյուկը

Լուսանկարը` Max Alexander/Starmus

Տիեզերագնացն ասել է, որ պարբերաբար հանդիպում է Artemis II եւ III առաքելությունների անձնակազմերի հետ, փորձում օգտակար խորհուրդներ տալ։

 

Խոսելով տիեզերագնացության ոլորտում մասնավոր ընկերությունների աճող դերակատարության մասին՝ Չարլի Դյուկն այն դրական է գնահատել։

 

«Դա թույլ է տալիս NASA-ին կենտրոնանալ «խորը տիեզերքի» վրա, իսկ մասնավոր ընկերությունները կապահովեն «մերձական տիեզերքի» հետ կապված գործառույթները», - ասել է նա։

 

«Ապագան Լուսինն է եւ դրանից անդին», - շեշտել է Չարլի Դյուկը։

 

Արա Թադեւոսյան (Բրատիսլավա)

Կարծիքներ

Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում:




Մեր ընտրանին