Երեւան: Մեդիամաքս: Երրորդ օրն է, ինչ Երեւանի Հովհաննես Թումանյանի Տիկնիկային թատրոնի շենքի ճակատային մասում ընթանում են խճանկարի տեղադրման աշխատանքները:
Ինչպես Մեդիամաքս-ի հետ զրույցում հայտնել է թատրոնի տնօրեն Ռուբեն Բաբայանը, խճանկարում ներկայացված են հայկական հեքիաթների սյուժեները:
«Մեր սիրված, ջերմ եւ արեւային հեքիաթային սյուժեներն են»,- ասել է Ռուբեն Բաբայանը:
Խճանկարի էսքիզի հեղինակն է նկարիչ Լուսինե Մոսոյանը: Խճանկարը հավաքվում է գլազուրապատ կերամիկական «փազլներից»:
Երեւանի քաղաքապետարանի զարգացման եւ ներդրումային ծրագրերի վարչության պետ Արմեն Հարությունյանը Մեդիամաքս-ին ասել է, որ աշխատանքն իրականացվում է ՄԱԿ-ի երեւանյան գրասենյակի աջակցությամբ` «Գեղեցիկ Երեւան» նախագծի շրջանակներում:
Խճանկարի հավաքումը նախատեսվում է ավարտել հուլիսի 5-6-ին:
Թատրոնի առջեւ հետագայում նաեւ կտեղակայվի «գահ», որի վրա նստելով՝ անցորդները կարող են նկարվել խճանկարի ֆոնի վրա:
Կարծիքներ
Հարգելի այցելուներ, այստեղ դուք կարող եք տեղադրել ձեր կարծիքը տվյալ նյութի վերաբերյալ` օգտագործելուվ Facebook-ի ձեր account-ը: Խնդրում ենք լինել կոռեկտ եւ հետեւել մեր պարզ կանոներին. արգելվում է տեղադրել թեմային չվերաբերող մեկնաբանություններ, գովազդային նյութեր, վիրավորանքներ եւ հայհոյանքներ: Խմբագրությունն իրավունք է վերապահում ջնջել մեկնաբանությունները` նշված կանոնները խախտելու դեպքում: